Kipahthugenna BYF Karbi BDF Delhi
Saptuamte kiang a laikhak Instutions Orders
Director of Missions, Memo No. EBC/MS/5(5&11)/2002 (28) dungzuiin Mission in a chawm GBC naupang lite'n missions motivation programme toh kisai a tour program kibawl bangbang lum tak leh kihong tak a hon zatpih Mizoram, Thanlon, Imphal Division EBC-te tungah kipahthu ka hon gen uhi. Tua toh kiton in Thanlon Division a saptuamte'n program kibawl bang geih a, ka hong phak theihlouhna uah, na hon theihsiam uh ka hon ngen uhi.
Pathian in ei program banglou takin honpi a, Daidou ah unaupa R. Suecheng (Dai mi Myanmar apan) sung hoihlou, khosik leh luak thuah a om in hong gim mahmah hi. Hiai hun a theihtawp suah a hon etkol sak Pa Thuamlian leh Luna, Daidou khuate tungah a min uh lou in kipahthu ka gen uhi. Damlou pen paizoulou ahihmanin a poimoh bangbang tha-le-zung seng a hon buaipih mi phatuamngai Daidou, Bungpilon, Aibulon leh Khajang YPA-te tungah kipahthu ko'n gen uhi. Huan N.E. Tangnuam EBC in Hqtrs. lamte thuzaksakna bangkim hon saisak ziakun leng ka kipahna uh a lian mahmah hi. Hiai thu Dorcas Hall a heutute'n a theihphet-un Gypsy leh Driver D. Kamlianthang banah, Pathian nasemte panpih ding a hong ki volunteer Dr. N. Thangmuan-te tungah ka kipahna uh a lian petmah hi. Amau ahuntak a vanzat kiningchingtak tawh a hongtun un damlou kia hilou in kou alawmte leng hon khamuan mahmah hi.
Toupa'n amah adia nahoih semtheizel dingin hon ompih chiatta hen.
Missions Motivation sik-le-tangin,
Sd/- N Tuanglang
Sd/- Pauven
Sd/- Arun Rongpi
Sd/- R Suecheng
Director of Ministries leh Music Promoter in deihsak tak a programe hong bawlsak uh bangin, Karbi Anglong Mission Field BYF, Solfa Training -cum- Praise and Worship Camp, July 15-21, 2002 sung Pa Pathian ompihna toh zoh ahita hi. Hiai camp ah lohchinna tampi muhtheih in a om a, camper tengteng 35 apha ua, Junior course kia sinthei lai kahih man un mi 18 in certificate sang thei uhi.
First Division a zou - mi 2
Second Division a zou - mi 8
Third Division a zou - mi 8
Hiai bang teng hongsinsaktu leh tha leh zung sitlou a hongkuan Rev Thangminlun Mangte leh Mr. T. Pumkhothang Examiner tungah ka kipahna uh alian mahmah a, hiai Thukizakna tungtawnin kipahthu ka hon gen hi.
Sd/- V. Thawngzalian
Chairman, BYF, Karbi Field, EBC
EBCC Delhi Dorca Pawl in kon ngetna bang un Heutute Miss Liankhoman Dorcas Worker leh Miss Dimzangai te Delhi a Dorca Pawl Halhthakna Khawmpi a thugen ding a na honsawl man un EBC Hq. tungah kipahthu ka gen hi.
Hiai khawmpina leh mun tuamtuam a anasepna te uh tungtawn in Pathian in hongveh in halhthakna tang leh Hotdamna muthei mi bangzah hiam a om manun kipahhuai kasa petmah uhi. Hiai bangteng ziakin Pathianin thupina tang hen aw.
Chingnu Ngaihte
Secretary
Dorca Pawl, Delhi EBCC
EBC Hqtrs. Deihsakna in kou Dimapur a Baptist Youth Fellowship ten Tonic Solfa sinna manpha tak mai Heutute, Rev Thangminlun Mangte, Music Promoter leh Pumkhawthang te makaihna in July 9 - 13, 2002 sung EBCC Thahekhu, Dimapur ah lohchingtak in kinei hi. Hiai kisin sak na ah Pastor 1 leh Upa 1 tel in mi 11 vel in kisinna ka nei ua, ka phattuampih mahmah uhi. Hiai bang kisinsakna hoih leh poimoh tangpha ding a hon deihsak Heutute leh Pathian kiang ah kipahthu i 'Khristian Thukizakna' tungtawn in kon gen uhi.
V. Lianchinthang
Chairman BYF Dimapur
Thumpihtu lawm leh vual itte,
Tulsa, Oklahoma khua a kipan in kei leh ka inkuan te'n na vekpi un Toupa Jesu min in chibai ka hon buk uhi. Leitung buaina tuamtuam kaal laka kithuzak thei a i om man un lungdam huai kasa in Toupa min kaphat hi.
Tutung Doctor of Ministries zohna May 4, 2002, ORU Seminary ah Lukhu khukna (Graduation) ka ngahna pen Sapuamte'n na hon thumpihna uh hang ahihmanin noute tung leh Pathian tungah kipahthu ka hon gen hi. Haksatna leh ze-etna tampi tuak zel mahleng tuate paikheng a ka sinna zouthei a ka om pen kipahhuai kasa lua hi. Ka Dissertation pen binding dia pia dek pan ka hih manin leh practical tuamtuam hih ding a omman in, bangtan hiam ka buaipih angai lai ding hi. Toupa'n pha sak hun a i ki muh pah tak uh ka lamen hi.
Ka zi leh ka tanu in leng damtakin maban zomthei zel uh. Lunkim in 2003 in B.Sc a Graduate nop manin Summer Class ala a tha it mahmah hi. Chidam a hon zohna dingin honna thumpih lai ding in ka hon ngen hi. Simtu tengteng na vek un mangpha! Toupa thupha maw!
Ahong it,
Pum Za Thang & Inkuante
7827 S. Wheeling #38-P
Tulsa
OK 74137
U.S.A.
July 24, 2002
No.EBC/ES/1(15)/2002: BOT sitting 165th Thupukna 12na July 20, 2002 in
Insitution toh kisai hiai anuai a bangin thupukna bawl ahi a, hiai thupukna
pen July 20, 2002 apan zat pat ding a lemsak ahi.
1. Insitution Department/Director/CSSC phasakna om masalou in training/ further study ding a kuamah khahkhiak theih ahi kei ding.
2. Training hunsung a promotion piaktheih/ngettheih ahi kei ding.
3. Institution department nuaia semtu kuapeuh bang line peuh ah training nei le uhleng a zawh nung uh Insitution department nuai mah ah a tompen a kum 3 bek a sem ding uh.
Atung a thute a department committee mah in phasa a a put up ahihbang in a kuul bangbang a semsuah dingin i kizasak hi. Toupa'n hon makaih jel hen!
Khrist a noute toh semkhawm,
Sd/- Rev Kam Khanthang
Director of Insitution & Finance, EBC