Kipahthu Genna leh Thumna Makai

1.  Nipini

    Tuni in EBC pumpi ah "Naupangte Ni" kizang ding. Mr. H. Vungkhai Child Worker in Dorcas Veng, New Lamka EBC biakin ah zang ding hi. Hiai Naupangte Ni tungtawn a banghiam lam bek a phatuamna muhkhiak ahih theihna ding leh programe kizang tengteng lohching tak a zatzoh ahih theihna dingin thum ni.

 

2.  Seppatni

    Miss Nemneihkim d/o Goukhanthang, Singngat leh Mr. Jamzachin Ngaihte s/o Upa Luaizachin Ngaihte, Vengnuam, New Lamka te June kha in OM tungtawn in Missionary dingin kuankhia uhi. Pathian kiang kipahthu gen in, amaute nasepna lohchinna dingin thumpih ni.

 

3.  Sepnawnni

    Tukha ni 3 apan ni 9, 2002 tan daihding Gospel Seekers Camp 2002 Manipur Mission Field Singjamei ah om ding, tutanin huai a telding ginglou mi 200 vel min kikaikhawmta hi. Thugentu ding Mr H Jamsuanthang, Pastor L Amuba Singh leh Pastor Kh. Girani Singh te hiding uh. Camp lohchinna diín thumni.

 

4.  Nilaini

    Tuni in Miss Ngai Jewel, Rev V. Pumkam tanu in Tokya, Japan a Christian University ah Bible sin dingin kuankhia hi. Taksa chidamna aneih a, asinna hoihtak a honzoh theihna dingin thumpih ni.

 

5.  Ningani

    Tuni a kipan Pathianni tan daih ding Lamka Division sung a BYF Khawmpi Lamka Tung EBC biakin ah omding hi. Hiai hunah Rev. JM Paupu in thugenna nei ding a, Pastor H. Jamkhanpau, Bungmual, in Seminar paper la ding hi. Khawmpi lohchinna dingin thum ni.

 

6.  Sintawpni

    Tuni apan tahrik ni 8 tan daih ding Mizoram Division sunga BYF Conference, Hiangmun khua-ah om ding, tua hun a thugentu dingin Rev. L. Kham Kho Lun, Executive Secretary pang ding hi. Programe lohchinna dingin thum ni.

 

7.  Kiginni

    Rev. Helient Singsit te nupa in FMPB a asepna mun uh Rekongpeo Mission Field, Himachal Pradesh state a Tapri khua ah hun bangtan hiam sung biakna khaksak ahih nungin; tu in kihawng nawnta. Pathian kiang kipahthu gen in, gingthak tamsem a kibehlap theihna ding un thumpih ni.

 

8.  Nipini

    Lamka Division a Office a semtute Rev. N. Vungzasin D/S, Mr. H. Ginpau, Mrs Nempi, Mr. Thangzakam, Mr. Thuamrouthang, leh Mrs D. Mangnute a dingin thum ni. Chidamna aneih ua, anasep uh hoihtak a sutzop ahih zel theihna dingin.

 

9.  Seppatni

    October 3-6, 2002 sung Thanlon Division sung a BYF Silver Jubili lopna Thanlon EBC Biakinn ah om ding. Hiai hun a thugentu dingin Rev. L. Kham Kho Lun, Exe. Secy. leh Rev Kamkhanthang (DI) te pang ding uhi. Programe lohchinna dingin thumna ah phawk ni.

 

10. Sepnawnni

    Tukum sungin Tuailai bangzah hiamte India gam sung a mun tuamtuam ah Laisiangthou sin dingin kuankhia uhi. Amaute ziakin kipahthu gen in; tua sinlel a omte leh a kuanthakte'n lunglel mailou a kuhkal tak a asinna uh a zohtheihna ding un thumpih ni.

 

11. Nilaini

    Kumteng a louneihna khawng leh sing-le-gua sat khawng buaithei ding dinmun ah iom chih i thei. Manipur a singtangmite bitna dinga kivaihawmna tuam India Dan Bupi in honpiak Sixth Schedule imuh theihna dingin thum ni.

 

12. Ningani

    October 23, 2002 chiangin NEITAC(BSI) Meeting Shillong ah om ding hi. Hiai hunah Rev. L. Kham Kho Lun Executive Secretary, EBC leng vakihel ding hi. Lohchingtak a azoh theihna ding un thum ni.

 

13. Sintawpni

    Nepal Mission Field a semtute Rev. L. Ramlian, Field Superintendent, Pastor R.B. Sharma, Pastor Padam Thapa, Pastor Tikram Thapa, Pastor P.L. Roupiang leh Evangelist tuamtuamte a dingin thum ni. Toupa nasepna a lohching tak a asep theihna ding un.

 

14. Kiginni

    Tukha 20-22, 2002 sung Lamka Division Missions khawmpi Upper Lamka EBC biakin ah om ding hi. Hiai hun a thugentu dingin Rev. Dr. Luaichinthang Director of Missions leh Rev. N. Vungzasin D/S Lamka te pang ding uh. Khawmpi lohching ahih theihna dingin thumpih ni.

 

15. Nipini

    Karbi Anglong Mission Field a semtute Rev. N. Thawndoulian Field Superintendent, Pastor Singtaro, Pastor P. Kamzachin, Pastor Samuel Lama, Pastor Joel Hanse leh Evangelistte a dingin thum ni. Missionary lohching leh gahsuah a hih theihna ding un.

 

16. Seppatni

    Tukha 16 apat 21 tan daihding Khajang Pastor Bial Solfa sinna Khajang EBC Biakinn ah om ding. Sinsaktu ding Rev Thangminlun Music Promoter hiding. Thumna ah phawkni.

 

17. Sepnawnni

    IEM nuaia i Missionaryte Rev. Ginneithang te nupa, Mr. Chinlamthang te nupa, Mr. Jamzakap te nupa leh Evan. Johnson Abrahamte a dingin thum ni. Toupa nasepna a lohchingtak a aseptheih na ding un.

 

18. Nilaini

    Singngat Division sung a BYF khawmpi 25 veina September 20-29, 2002 sung Singngat khua ah om ding. Hiai hun a thugentu dingin Rev. L. Kham Kho Lun Executive Secretary pang ding a, Seminar Paper Rev Khamkhogin DS, Singngat in hih ding hi. Khawmpi lohchinna dingin thum ni.

 

19. Ningani

    FMPB nuai a i Missionary te Rev. Helien Singsit te nupa, Mrs Niangzangaite nupa leh Miss Donzachiinte a dingin thum ni. Ginglou mite laka a nasepna uah lohchingtak a asep theihna ding un.

 

20. Sintawpni

    Manipur Field a i Missionaryte Rev. Thawndoulian Field Superintendent, Pastor Saitra Singh, Pastor L. Amuba Singh, Pastor Manglemba Singh leh Evangelistte a dingin thum ni. Toupa gam nasepna a lohching tak a aseptheih na ding un.

 

21. Kiginni

    Lamka Division sung a Pastor nasemte adingin thum ni. Tulai in tanchinhoih tampi Lamka leh a kimvel ah zakin a om a, Khasiangthou theihsak a Hotdamna Tanchinhoih leh dik theihtel theihna ding a nna asep theihna ding un.

 

22. Nipini

    Tulai in Lamka leh a kiimvel ah Khamtheih hihte veina leh puaknatna uang mahmah a, tua toh kisaiin mun tuamtuam ah camp kizangin lohching thei mahmah hi. Hiaite ziak a kipahthu gen in, piangthakte kalsuantouh zelna ding thumpihni.

 

23. Seppatni

    Singngat Division sung a Pastor leh DSte a ding in thum ni. Taksa chidam a neih ua, saptuam hoihtak leh chidam tak a akep theihna ding un.

 

24. Sepnawnni

    Tuni apan tarik 28 tan daihding nupi camp Pearsonmun EBC Biakinn ah om ding. Thugentu ding Miss Liankhoman D/W leh Pastor S Ginjam Upper Lamka te hiding uh. Camp lohchinna diín thumni.

 

25. Nilaini

    Imphal Division sung a Pastor leh DS te a dingin thum ni. Ginglou mi tampite laka khosa ahih manun haksatna tampi tuak ding uhi. Taksa chidam aneih ua, a nasepna uh lohchingtak a aseptheih na ding un.

 

26. Ningani

    Evangelical Book House hoihtakin paitou zel hi. Kipahthu gen in, mabanah tuasang a hoih zawsem a apai theihna dingin Manager leh a seppihte a dingin thum ni.

 

27. Sintawpni

    Mizoram leh Vangai Division sung a Pastor leh DSte a dingin thum ni. Namdang kala nasem ahih man un lunglelh theihna ding tampi omthei hi. Toupa'n lemgel siamna leh pilna lungtang apiak na ding in.

 

28. Kiginni

    July 12, 2002 in Missions Department in Missionary dingin mi thum lakbeh uhi. Amaute Mr. Pauzalian, Langol, Rongali Karbi Anglong Field a koih in om a, Miss Nemlawmching leh Mr Pishak Singhte Thyam Khunjao, Manipur Field ah koih in om uhi. Toupa gam nasepna a khamangthang tampi mantu asuah theihna ding un thumpih ni.

 

29. Nipini

    Thanlon Division sung a Pastor leh DS te a dingin thum ni. Khua kipuahthak tampi omna ahih manin, nasep leng haksa mahmah ding hi. Kuhkal leh lohching tak a asep theihna ding un leh lemgelsiamna leh pilna aneihna dingun.

 

30. Seppatni

    October 11-13, 2002 sung Lamka Division sung a Dorca ten kumsim khawmpi Upper Lamka EBC biakin ah nei ding uh. Hiai hun a thugentu dingin Mrs. Thualkhoching leh Mrs Zenzaching pang ding uhi. Khawmpi lohching leh gahsuah ahih theihna dingin thumpih ni.