Gospel Thutak Hinpih Pichinna

The Maturity of Gospel Lifestyle

 

Pastor Chin Khotuan
Contributing Editor

 

THUMAPI: Gospel Thutak Hinpih Pichinna di地 theihtheihna chi 5-te kiphamoh kisinsakna. Laisiangthou gen bang dungzuiin pautheihlouh a thu 10,000 gen sangin, theihtheihna in thu 5 gen a pawimoh zaw a chi (1Kor. 14:19). Hiai a theihtheihna thu 5 kichi pen gendan kilawm taktak om ngei dingin ka gingta. Bangtenghileh ka gennop dan bik bel hichibang dan a hizaw. Mihing in theihtheihna chi 5 (Five Sense) a nei. Tuate tuh: (1) Muhtheihna, (2) Zaktheihna, (3) Gimtheihna, (4) Chep a theihna, (5) Khoih a theihna, khawng ahi uh. Mihingte hinkhua ah hiaite a pang kha vek ua, thamlou in, a phatuam chiat vek uhi. Huaiziakin, hiai theihtheihna chi 5-te Gospel Thutak in hinkhua a thuzoh ngeingei ding ahi. Laisiangthou toh kituak in i gentel chiat ding.

 

1. Muhtheihna: Hiai muh-theihna tuh sapum hiangte laka pawimoh khat ahi. Diktakin sapum khawnvak ahi. (Matt. 6:22). Hiai muhtheihna tuh vakna toh kisai ahihman in a pawimoh lua hi. Thamlou in, gingtute tuh vak toh tehpih i hi uh (Jn. 8:12; Matt. 5:14-15). A hia, hiai muhtheihna tuh Gospel Thutak toh kituak taka zat a hih ngeingei ding ahi (Nam. 24:2-6; 1 Kor. 2:9; Eph. 1:18; 6:6-7). Pathian Lalgam nasepna ah hiai muhtheihna tuh a muthei nailoute kiang ah hilh leh theihsak ahih ding ahi (Nas. 26:18).

 

2. Zaktheihna: Zaktheihna tuh sapum hiangte laka pawimoh khat ahi nawn. Hiai zaktheihna tuh Gospel Thutak toh kituak taka zat ahih ngeingei ding ahi. Zakna ziak in ginna hong om a (Rom. 10:17); zakna in kisikna hong tun a (Nas. 3;38); zaktheihna in ngaihsakna or limsakna hon pia hi (Neh. 8:1-3). Huaiziakin, hiai Gospel Thutak a za nailoute kiangah a zak theihna uh a kiphamoh lua a, huai tuh mohpuakna thupi ahi.

 

3. Gimtheihna: Mihingte adi地 hiai gimtheihna tuh thil manpha lua mahmah ahi. Gimnamtui in mihingte hinkhua a nuamsa sak in a kipak sak thei mahmah hi. Bethany khua a Mary thau namtui (Alabaster) zangin Jesu Khrist thau namtui a nuh a, Jesu a kipak sak mahmah hi. Thamlou in, Amah sapum ngei vui dinga thau nuh khol ana hizaw hi (Mk. 14:8).

 

   Sawltaklian Paul in bang a gen: 適hrist vualzohna a honpi zelpa leh koute a mun chih a Amah theihna gimnamtui theisak pa kiangah kipahthu om hen. Hotdam lelte ah leh mangthang lelte ah Pathian adi地 Khrist gimnamtui ka hi ngal ua, pawl khatte adi地 sihna lak ah sihna ding gimnamtui kana hi ua, pawl khatte adi地 hinna lak ding gimnamtui ka hi uh (2 Kor. 2:14-16).

 

   Sawltaklian Paul in a hinkhua ah Tanchin Hoih gimnamtui in a kizang gai vek a, Mary ngei leng tuabang in gimnamtui zang in Jesu Khrist ana vaidawn a, a inn ah a tungsak hi.

 

4. Chep a theihna: Mihingte adi地 chep a theihna tuh thil pawimoh tak ahia; a lim, a aal, a lim lou kitel tak a theihna dingin. Gingtute, chep a theihna tuh Pathian hon piak ahia; Amah deihdan tak a nek leh dawn ding Amah min thupina dia saifel zel ding ahi. Sam gelhtu地 bang gen hiam? 哲a thute ka kam a dingin khuaizu sangin a khum zaw hi (Sam 119:103) ana chi hi. Sam gelhtu mah in, 鄭w Toupa hoihdan chiam him dih ua, Amah a muanna koih mi a hampha ahi (Sam 34:7) a chi bangin. Gospel Thutak toh kisaiin, i thukep leh piakkhiak zel ding tuh eimah in kiteltak in a limdan/khumdan theihchian masak phot a, huai ngei tuh midangte kianga i neksak/taisak ngei ding uh ahi. Gospel Thutak tua zahta a, na manpha lua ahi ngei maw, chih theihchianna dingin.

 

5. Khoih a theihna: Toupa Jesu Khrist hiai khovel a hongpai laiin, a mi hihdamte tampi tuh a khoih a damna mu ahi uhi. Thamlou in, a lutung ua khut koih a thumna neih tuh (tutan pha in leng) damloute lak ah kizang lailai hi. Abik in, damloute thumsakna bangah khut ngak a thumsak tuh Laisiangthou sinsakna dan ahi hi (Nas. 28:7-8; Jakob 5:14-15).

 

   Mary in a sanggamnu Elizabeth chibai a buk leh, a sungah nau a tang a, huchiin Kha Siangthou in a hong dimta (Lk. 1:40-41) a chi hi. Sawltaklian Paul in Saptuamte a laikhakna toh kisaiin, chibaibukna thu a uanggen mahmah, huai tuh gingtute kikal a ki-ittuahna, kitanauna thupitak taklatna ahih ziak, ana hihi (Rom. 16:1-16; 21:24; etc.).

Awle, a tunga thil ngate i gentak bangin, theihtheihnate kiteltak in Gospel thutak hinpih peuh leng. Tanchin Hoih thugen khempeuh gahsuahlouh chih himhim a om kei ding chih a taksan huailua hi. Tua ziakin, hiai theihtheihna chi 5-te i hinkhua uah panghuan dingin panla chiat nihang aw!

Thukhitna: Gospel Thutak hinpih dingin: Mit in vak hon mu sakta; bil in hon za sakta; gimtheihna apan gimnamtui in hon kipak sakta; chep a theihna in a khumdan hon theisakta; khoih a theihna in gahsuahna in khalam chidamna hon peta hi. Huaiziakin, hiai thumal 5-te phatuam in manpha hina maijen e! Theihtheihna chi 5-te zangsiam chiat dingin TOUPA誰 a Thu i sutte hon vualzawl sak chiatta hen aw! TOUPA PHAT IN OM HEN!!